Yoruba Proverbs: The Good Person

Contents | Display Settings | Font Settings | About

Part 3: On cageyness, caution, moderation, patience, and prudence

Edot

Ẹ pa Ayéjẹ́nkú, ẹ pa Ìyálóde Aníwúrà; ìgbà tí ẹ pa Ìyápọ̀ ẹ gbàgbé ogun.

Ẹ̀bi alábaun kì í gbèé dẹ̀bi àna-a rẹ̀.

Ẹ̀bìtì ò peèrà tó ṣe pẹ̀lẹ́pẹ̀lẹ́; ẹnu ẹni níńpani.

Ẹ̀bìtì tí ò kún ẹmọ́ lójú, òun ní ńyí i lẹ́pọ̀n sẹ́hìn.

Ẹ̀gbá mọ̀dí Ọbà; ẹni tó gbéniṣánlẹ̀-ẹ́ lè pani.

Ẹgbẹ́ ẹja lẹja ńwẹ̀ tọ̀; ẹgbẹ́ ẹyẹ lẹyẹ ńwọ́ lé.

Ẹ̀hìn àjànàkú là ńyọ ogbó; ta ní jẹ́ yọ agada lójú erin?

Ẹ̀hìn ní ńdun ol-ókùú-àdá sí.

Ẹ̀ẹ̀kan ṣoṣo lọmọ ńsín tí à ńní “à-sín-gbó, à-sín-tọ́.”

Ẹ̀kọ tí kò bá léwé làgbà ńgbà.

Ẹkùn kì í yan kí ajá yan.

Ẹlẹ́dẹ̀ tó kú légbodò ló ní ká fòun jẹyán.

Ẹlẹ́jọ́ kú sílé, aláròyé kú síta gbangba.

Ẹlẹ́kún sunkún ó bá tirẹ̀ lọ; aláròpa ìbá sunkún kò dákẹ́.

Ẹlẹ́rù ní ńgbé ẹrù ká tó ba ké ọfẹ.

Ẹ̀lúlùú, ìwọ ló fòjò pa ara-à rẹ.

Ẹni àjò ò pé kó múra ilé.

Ẹní bá rọra pa eèrà á rí ìfun inú-u rẹ̀.

Ẹní bá fẹ́ abuké ni yó ru ọmọ-ọ rẹ̀ dàgbà.

Ẹní bá fẹ́ arúgbó gbẹ̀hìn ni yó sìnkú-u rẹ̀.

Ẹní bá mọ ayé-é jẹ kì í gun àgbọn.

Ẹní bá mọ ayé-é jẹ kì í jà.

Ẹní bá mọ iṣin-ín jẹ a mọ ikú ojú-u rẹ̀-ẹ́ yọ̀.

Ẹní bá na Ọ̀yẹ̀kú á ríjà Ogbè.

Ẹní bá sọ púpọ̀ á ṣìsọ.

Ẹní bá pé kí àkàlà má jòkú, ojú-u rẹ̀ lẹyẹ ńkọ́kọ́ yọ jẹ.

Ẹní bẹni-í tẹ́ni.

Ẹní dáríjiní ṣẹ̀tẹ́ ẹjọ́.

Ẹní dúró de erín dúró dekú; ẹní dúró dẹfọ̀n-ọ́n dúró dèjà; ẹní dúró de eégún alágangan, ọ̀run ló fẹ́-ẹ́ lọ.

Ẹní fi ìpọ́njú kọ ẹyìn á kọ àbọ̀n; ẹní fi ìpọ́njú rojọ́ á jẹ̀bi ọba; ẹní fi ìpọ́njú lọ gbẹ́ ìhò á gbẹ́ ihò awọ́nrínwọ́n.

Ẹní gúnyán kalẹ̀ yóò júbà ọbẹ̀.

Ẹní gbé adíẹ òtòṣì-í gbé ti aláròyé.

Ẹní kánjú jayé á kánjú lọ sọ́run.

Ẹni méjì kì í bínú egbinrin.

Ẹni òyìnbó fẹ́ràn ní ńtì mọ́lé.

Ẹní ṣe ọ̀ràn Ìjẹ̀bú: etí ẹ̀ á gbọ́ ìbọn.

Ẹni tí a bá ḿbá ṣiṣẹ́ kì í ṣọ̀lẹ; bórí bá túnni ṣe a kì í tẹ́ bọ̀rọ̀.

Ẹni tí a bá ḿmú ìyàwó bọ̀ wá fún kì í garùn.

Ẹni tí a bá ti rí kì í tún ba mọ́lẹ̀ mọ́.

Ẹni tí a fẹ́-ẹ́ sunjẹ kì í fepo para lọ jókòó sídìí iná.

Ẹni tí a lù lógbòó mẹ́fà, tí a ní kó fiyèdénú: ìgbà tí kò fiyèdénú ńkọ́?

Ẹni tí a ò lè mú, a kì í gọ dè é.

Ẹni tí a ò lè mú, Ọlọ́run là ńfi lé lọ́wọ́.

Ẹni tí ńsáré kiri nínú-u pápá ńwá ọ̀nà àti jìn sí kòtò.

Ẹni tí ó bá wọ odò ni àyà ńkò, àyà ò fo odò.

Ẹni tí ó jìn sí kòtò-ó kọ́ ará ìyókù lọ́gbọ́n.

Ẹni tí ó tọ odò tí kò dẹ̀hìn yò bàá Olúwẹri pàdé.

Ẹni tí ó bá mu ọtí ogójì á sọ̀rọ̀ okòó.

Ẹni tí ó yá ẹgbàafà tí kò san án, ó bẹ́gi dí ọ̀nà egbèje.

Ẹni tí ó ba ogún-un baba rẹ̀ jẹ́, ó ja òkú ọ̀run lólè, yó sì di ẹni ìfibú.

Ẹni tí ó mú u lórí ní ó kú, ìwọ tí o mú u lẹ́sẹ̀-ẹ́ ní ó ńjòwèrè.

Ẹni tí ó bá obìnrin kó lọ sílé-e rẹ̀ yó sùn nínú ẹ̀rù.

Ẹni tí ò fẹ́-ẹ́ wọ àkísà kì í bá ajá ṣe eré-e géle.

Ẹni tí ò tóni-í nà ò gbọdọ̀ ṣe kọ́-ń-dú síni.

Ẹni tí Orò-ó máa mú ḿba wọn ṣe àìsùn orò.

Ẹnìkan kì í fi ọ̀bẹ tó nù jẹṣu.

Ẹnu ẹyẹ ní ńpẹyẹ; ẹnu òrofó ní ńpòrofó; òrofó bímọ mẹ́fà, ó ní ilé òun-ún kún ṣọ́ṣọ́ṣọ́.

Ẹnu iná ní ńpa iná; ẹnu èrò ní ńpa èrò..

Ẹnu ni àparò-ó fi ńpe ọ̀rá; a ní “Kìkì ọ̀rá, kìkì ọ̀rá!”

Ẹnu òfòrò ní ńpa òfòrò; òfòrò-ó bímọ méjì, ó kó wọn wá sẹ́bàá ọ̀nà, ó ní “Ọmọ-ọ̀ mí yè koro-koro.”

Ẹnu tí ìgbín fi bú òrìṣà ní ńfi-í lọlẹ̀ lọ bá a.

Ẹnu-ù mi kọ́ ni wọ́n ti máa gbọ́ pé ìyá ọba-á lájẹ̀ẹ́.

Ẹrẹ̀ òkèọ̀dàn ni yó kìlọ̀ fún a-l-áròó-gbálẹ̀ aṣọ.

Ẹ̀rù kọ́ ní ḿba ọ̀pẹ tó ní ká dá òun sí, nítorí ẹmu ọ̀la ni.

Ẹṣin iwájú ni ti ẹ̀hìn ńwò sáré.

Ẹ̀sọ̀ ẹ̀sọ̀ la fi ńlá ọbẹ̀ tó gbóná.

Ẹ̀tẹ́ ní ńgbẹ̀hìn aláṣejù.

Ẹyẹ kí lo máa pa tí ò ńfi àkùkọ ṣe oògùn àtè?

Ẹyin lọ̀rọ̀; bó bá balẹ̀ fífọ́ ní ńfọ́.

Ẹyin adìẹ ò gbọdọ̀ forí sọ àpáta.

.
Previous	Contents	Next