Part 2: On perspicaciousness (good judgment, perceptiveness), reasonableness, sagacity, savoir-faire, wisdom, and worldly wisdom

E

Ebi ńpa mí ọlọ́ṣẹ ńkiri; ìgbà tí ng ò wẹnú ng ó ṣe wẹ̀de?

Ebi ò pàJèṣà ó lóun ò jẹ̀kọ Ọ̀yọ́; ebí pa ọmọ Obòkun ó jẹ ori.

Ebi ò pàmọ̀le ó ní òun ò jẹ àáyá; ebí pa Súlè ó jọ̀bọ.

Eégún Ẹ̀gbá, Ẹ̀gbá ní ńfọ̀.

Eégún tí yó gbeni là ńdáṣọ fún; òrìṣà tí yó gbeni là ńsìn; bi igí bá gbè mí mà kó obì mà bọ igi.

Eégún tí yó ṣe bíi Lébé, Lébé ni yó dà; èyí tí yó tàkìtì bí Olúfolé, òfurugbàdà ni yó ta á.

Ejò-ó rí ihò tó há ó kó wọ̀ ọ́; ìyá-a rẹ̀-ẹ́ lọ́wọ́ àti fà á yọ?

Elékuru kì í kiri lóko.

Èló là ńra adìẹ òkókó, tí à ńgba ọmọ-ọ rẹ̀ sìn?

Èmi-ò-níí-fẹ́-obìnrin-tẹ́nìkan-ńfẹ́, olúwarẹ̀ ò níí fẹ́ obìnrin ni.

Èmi-ò-níí-ṣu-imí-le-imí, olúwarẹ̀ ó rìn jìnnà ààtàn.

Èpè la fi ńwo èpè sàn.

Epo ló ṣeé jẹṣu; àkàsọ̀ ló ṣeé gun àká; obìnrín dùn-ún bá sùn ju ọkùnrin lọ.

Epo lojú ọbẹ̀.

Eré là ńfọmọ ayò ṣe.

Èrò kì í mọ ibùsọ̀ kọ́rùn ó wọ̀ ọ́.

Ète lẹ̀gbọ́n; ìmọ̀ràn làbúrò; bí-a-ó-ti-ṣe lẹ̀kẹta wọn.

Ètò lòfin kìn-ín-ní lóde ọ̀run.

Ewúrẹ́ ò ṣe-e fiṣu ṣọ́.

Èyí tó yẹ ará iwájú, èrò ẹ̀hìn fiyè sílẹ̀.