Part 1: On humility, self-control, self-knowledge, self-respect, and self-restraint

E

Eégún ju eégún; òrìṣá ju òrìṣà; Pààká lé oníṣàngó wọ̀gbẹ́.

Eégún ò na obìnrin lágọ̀; obìnrín tú kíjìpá ìdí-i rẹ̀, ó fi na eégún.

Eégún pẹ́ lóde, ó fètè òkè dáhùn; wọ́n ní, “Baba kú àbọ̀,” ó ní, “Hì ìì.”

Eégún wọlé, ó ní òun ò rí Ejonto; Ejontó ní, “Àkísà ni, àbí kíní wọlé?”

Eegun àjànàkú: ó há ìkokò lẹ́nu.

Eegbọ́n so mọ́ àyìnrín lẹ́nu, a ní kí adìẹ wá yán an jẹ; adìẹ́ mọ̀ pé òun náà oúnjẹ àyìnrín.

Ejò kì í ti ojú Ààrẹ gun ọgbà lọ.

Èmí dákọ okòó, ìwọ́ dákọ okòó, ò ńpèmí ní mùkọ-mùkọ.

Èmi ìwọ̀fà, ìwọ ìwọ̀fà, o ní babá ní ká gbowó wá; o dá tìrẹ sílẹ̀ ná?

Epo ni mo rù; oníyangí má ba tèmi jẹ́.

Erin kì í fọn kọ́mọ-ọ rẹ̀ ó fọn.

Èrò ọ̀nà ni yó ròhìn ọkà tó gbó.

Èsúrú ṣe fújà ó tẹ́ lọ́wọ́ oníyán; aláǹgbá ṣe fújà ó tẹ́ lọ́wọ́ ògiri; Ọlámọnrín àjàpá ṣe fújà ó tẹ́ lọ́wọ́-ọ̀ mi.

Etí lobìnrín fi ńgbọ́ ohùn orò.

Èwo ló tó ẹ̀kọ-ọ́ gbà nínú ewé ìrúgbàá?

Èwo ni ti Síkírá nílùú Ìwó.

Ewújù tí yóò tú ọ̀pẹ: gbogbo ehín ẹ̀ ni yóò kán tán.

Ewúrẹ́ ò wí pé òun ò ṣọmọ àgùntàn; àgùntàn ló wí pé òun ò ṣọmọ ewúrẹ́.

Ewúrẹ́ kì í bíni ká lọ sísọ̀ àgùntàn lọ jẹ̀.

Èèyàn bí ọ̀bọ lọ̀bọ ńya láṣọ.

Èèyàn ò ríbi sùn, ajá ńhanrun.

Èèyàn tí ò nítìjú ojú kan ni ìbá ní; a gbórín a tó tẹṣin.