Part 6: On consideration, kindness, and thoughtfulness

I

Ìbàjẹ́ iṣu nìbàjẹ́ ọ̀bẹ; ẹni tó ṣe ìbàjẹ́ èèyàn-án ṣe ìbàjẹ́ ara ẹ̀.

Igbá olóore kì í fọ́; àwo olóore kì í fàya; towó tọmọ ní ńya ilé olóore.

Igbá onípẹ̀lẹ́ kì í fọ́; àwo onípẹ̀lẹ́ kì í fàya.

Ilé olóore kì í wó tán; tìkà kì í wó kù.

Ilé ọ̀ṣọnú àyàyó; ta ní jẹ́ yalé ahun-káhun?

Inú búburú, oògùn òṣì.

Inúure kì í pani, wàhálà ní ńkó báni.

“Iyán dára, ọbẹ̀-ẹ́ dùn” ló pa Akíndélé lóko Ìgbájọ; “Òrìṣà, nkò fún ọ ní èdì jẹ” ló pa abọrìṣà Ìkirè.

Ìyàwó jẹ ọkà jẹ igbá.