Part 2: On perspicaciousness (good judgment, perceptiveness), reasonableness, sagacity, savoir-faire, wisdom, and worldly wisdom

K

Kàkà kí ọmọdé pàgbà láyò, àgbà a fi ọgbọ́n àgbà gbé e.

Kì í jẹ́ kí etí ẹni di kì í jẹ kí inú ẹni dùn.

Kì í ṣe gbogbo ẹni tí ńṣe “Ẹni Ọlọ́rún bùn ó bùn mi” là ńfún ní nǹkan.

Kí ni à ńwọ̀ nínú-u ṣòkòtò mẹ́ta ọ̀ọ́dúnrún?

Kí ni fìlà yó ṣe lórí ògógó? Ata ni yó ṣi.

Kí ni ìyá aláṣọ ńtà tó yọ ẹgba lọ́wọ́? Ewúrẹ́ ńjẹ wúlìnì?

Kékeré egbò ní ngba ewé iyá; àgbà egbò ní ńgba ẹ̀gbẹ̀sì; tilé-wà-tọ̀nà-wá egbò ní ńgba ìgàn aṣọ.

Kíkọ́ ni mímọ̀, òwe àjàpá.

Kéré-kéré leku ńjawọ; díẹ̀-díẹ̀ leèrà ḿbọ́ ìyẹ́.

Kò sí alámàlà tí ńsọ pé tòun ò yi; aládàlú nìkan ló sòótọ́.

Kò sí aláásáà tí ńta ìgbokú; gbogbo wọn ní ńta oyin.

Kò sí ẹni tí kò mọ ọgbọ́n-ọn ká fẹran sẹ́nu ká wá a tì.

Kókó ló kọ́kọ́ dé orí, tàbí orí ló kọ́kọ́ dé kókó?

Kóǹkólóyo: èyí tó ní tèmi.

Kóró-kóró là ńdá Ifá adití.

Kùbẹ̀rẹ̀, ká roko ìpére. Ó ní èyí tí òún lọ òun òì bọ̀.